31

مومنہ مستحسن نے مداحوں کو خود کو جاننے بارے مشورہ دے دیا

اسلام آباد: گلوکارہ مومنہ مستحسن نے مداحوں کو خود کو جاننے بارے مشورہ دے دیا۔ انہو ں نے کہا کہ اپنے آپ کو جانتے ہوئے اپنی زندگی کے مقاصد کو پورا کریں۔
میڈیا رپورٹ کے مطابق مومنہ کا کہنا تھا کہ اپنے احساسات کو ترجیح دیں اور خود کی مدد کرتے ہوئے اپنی پہچان بنائیں۔ گلوکارہ نے کہا کہ آپ کی محدود سوچ آپ کو کبھی آگے نہیں بڑھنے دے گی اورآپ کبھی بھی ا پنے مقاصد اور خوابوں کو پورا نہیں کر سکیں گے اس لئے سوچ کو مثبت اور وسیع کریں۔
مومنہ نے مداحوں کو مخاطب کرتے ہوئے کہا کہ اپنے احساسات جاننے کیلئے کچھ وقت صرف کریں، مدد طلب کرنے میں کوئی برائی نہیں، اپنی زندگی کی سمت تعین کرنا بہت اہم ہے۔
گلوکارہ نے مزید قیمتی مشورے دیتے ہوئے کہا کہ اپنی سوچوں کو لکھیں، ذاتی زندگی کے اہداف کا تعین کریں، اپنے خواب لکھیں اور ان کو پورا کرنے کی ضرور کوشش کریں۔ مومنہ مستحسن نے پرستاروں کو مراقبہ کرنے کا بھی مشورہ دیا۔
آخر میں ان کا کہنا تھا کہ دوسروں کیلئے ہمدردی کے جذبات اور ایسا مثبت رویہ اپنائیں جس کی خود آپ دوسروں سے توقع رکھتے ہیں۔

اس خبر پر اپنی رائے کا اظہار کریں

اپنا تبصرہ بھیجیں