19

مہوش حیات پھرسے روضہ رسول پرحاضری کیلئے بےتاب

اداکارہ مہوش حیات نے عمرہ کے دنوں کی یادیں تازہ کرتے ہوئے مسجد نبوی میں دوبارہ حاضری کی خواہش کااظہارکیا ہے۔

انسٹاپرمہوش نے والدہ اور بھائی دانش حیات کے ساتھ مسجد نبوی کے سامنے کھینچی گئی تصویر شیئر کرتے ہوئے ہوئے کیپشن میں لکھا ” فیملی کے ساتھ ان مبارک لمحات کا دوبارہ تجربہ کرنے کیلئے مزید انتظارنہیں ہورہا”۔
مہوش نے ساتھ ہی پروفیسر اقبال عظیم آبادی کے نعتیہ کلام کے چند اشعار لکھے۔

اے مدینے کے زائر خدا کے لیے
داستانِ سفر مجھکو یوں مت سنا
بات بڑھ جائے گی ، دل تڑپ جائے گا
میرے مُحتاط آنسو چھلک جائیں گے

یہ مقبول کلام “فاصلوں کو تکلف ہے ہم سے اگر” معروف نعت خواں قاری وحید ظفر قاسمی نے پڑھا تھا۔
یہ تصویر گزشتہ سال کی ہے جب مہوش حیات نے والدہ اور بھائی کے ہمراہ عمرے کی سعادت حاصل کی تھی۔

اس خبر پر اپنی رائے کا اظہار کریں

اپنا تبصرہ بھیجیں