آرمی چیف سے ترکش بری فوج کے سربراہ کی ملاقات، خطے کی صورتحال پر بات چیت

راولپنڈی: آرمی چیف سے ترکش بری فوج کے سربراہ نے ملاقات کی، جس میں خطے کی صورتحال، باہمی دلچسپی کے امور پر بات چیت کی گئی۔آئی ایس پی آر کے مطابق آرمی چیف اور سربراہ ترکش بری فوج کی ملاقات میں دونوں ممالک کے درمیان دفاعی تعاون پر بات چیت کی گئی۔ دونوں ممالک نے تربیت اور انسداد دہشتگردی کے شعبوں میں تعاون پر بھی اتفاق کیا۔ آرمی چیف نے افغانستان میں امن اور مفاہمت کے اقدامات کی اہمیت پر زور دیا اور کہا کہ ترکی کے ساتھ برادرانہ تعلقات کو بہت اہمیت دیتے ہیں۔
ترکش بری فوج کے سربراہ نے افغانستان میں امن کیلئے پاکستان کے کردار کو سراہا، بارڈر مینجمنٹ کیلئے کوششوں اور علاقائی استحکام میں پاکستان کے کردار کی بھی تعریف کی۔ معزز مہمان نے پاکستان کی مسلح افواج کی پیشہ ورانہ مہارتوں کا اعتراف کیا۔ دونوں ممالک نے مختلف شعبوں میں تعاون بڑھانے کے عزم کا اظہار کیا۔ آرمی چیف کا کہنا تھا کہ دونوں ممالک کے درمیان تاریخی تعلقات ہیں۔

اپنا تبصرہ بھیجیں