تحریک عدم اعتماد کامیاب نہیں ہوگی: عمر ایوب نے دستخط کرکے پرچہ لہرادیا

اسلام آباد: وفاقی وزیر عمر ایوب نے دعویٰ کیا ہےکہ اپوزیشن کی تحریک عدم اعتماد کامیاب نہیں ہوگی۔
نجی ٹی وی چینل کے شو میں عمر ایوب نے اپنے دستخط کے ساتھ لکھ کر پرچہ لہرایا اور اپوزیشن کی تحریک عدم اعتماد کے ناکام ہونے کا دعویٰ کیا۔انہوں نے کہا کہ اپوزیشن کی ملاقاتوں سے چائے، پیسٹری والوں کے کاروبار کو فائدہ ہوگالیکن ان ملاقاتوں کا سیاسی فائدہ صفر ہے۔
دوسری جانب پروگرام کے میزبان کے اصرار کے باوجود پیپلزپارٹی کے چوہدری منظور اور (ن) لیگ کے خرم دستگیر نے تحریک عدم اعتماد کامیاب ہونے کے دعوے کو لکھ کر دینے سے گریز کیا۔چوہدری منظور نے کہا کہ کپتان میچ ہار رہا ہو تو میدان سے بھاگ نہیں جاتا،کھیلنے تو جانا پڑتا ہے۔خرم دستگیر کا کہنا تھا کہ عمرانی حاکمیت کا جنازہ شاہراہ دستور پر پڑا ہے جسے اس کے اتحادی اور لانے والے بھی اٹھا نہیں پا رہے۔

اپنا تبصرہ بھیجیں