سیلز ٹیکس نہ دینے والے دکانداروں،تاجروں کے گیس بجلی کنکشن منقطع پرغور

اسلام آباد: وفاقی حکومت نے آئندہ مالی سال کے بجٹ میں فنانس بل کے ذریعےفیڈرل بورڈ آف ریونیو(ایف بی آر) کو سیلز ٹیکس نہ دینے والے چھوٹے تاجروں اور دکانداروں کے بجلی و گیس کے کنکشن منقطع کرنے کے اختیارات دینے کی تجویز دیدی ہے،ایف بی آر کی ہدایات پر بجلی اور گیس کی تقسیم کار کمپنیاں ایسے تاجروں کے کنکشن منقطع کردیں گی۔
ذرائع کے مطابق حکومت نے ایف بی آر کوسیلز ٹیکس میں رجسٹرڈاور پوائنٹ آف سیلز سسٹم سے منسلک نہ ہونے والے ٹیئر ون میں شامل چھوٹے تاجروں و دکانداروں کے بجلی و گیس کے کنکشن منقطع کرنے کے اختیارات دینے کی تجویز دیدی ہے۔اس کیلئے فنانس بل کے ذریعے ٹیکس قوانین میں ترامیم کی گئی ہیں جن میں کہا گیا ہے کہ ٹیئر ون میں شامل دکاندار سیلز ٹیکس میں رجسٹرڈ نہیں ہوتے اور ایف بی آر کے پوائنٹ آف سیلز سسٹم کے ساتھ خود کو منسلک نہیں کرتے تو ایف بی آر سیلز ٹیکس جنرل آرڈر کے ذریعے بجلی و گیس کی تقسیم کار کمپنیوں کو ایسے تاجروں کےکنکشن منقطع کرنے کی ہدایات جاری کرسکے گا۔

اپنا تبصرہ بھیجیں