عمران خان کو ووٹ نہ دینے کے بیان پر عفت عمر اور احمد بٹ میں نوک جھوک

میزبان احمد بٹ نے سینئر اداکارہ عفت عمر سے سابق وزیر اعظم عمران خان کو آئندہ ووٹ نہ دینے کی وجہ پوچھ لی جس پر دونوں کے درمیان نوک جھوک ہوئی۔نجی ٹی وی کے پروگرام میں میزبان احمد بٹ نے عفت عمر سے سوال کیا کہ آپ نے کہا تھا کہ آپ نواز شریف کو ووٹ دیں گی، بلاول کو ووٹ دیں گی لیکن عمران خان کو کبھی ووٹ نہیں دیں گی؟ ایسا کیوں؟
میزبان کے سوال پر عفت عمر نے جواباًکہا کہ ظاہر سی بات ہے اتنے تماشے کے بعد عمران خان کو ووٹ کون دیگا؟ عمران خان نے 3 سال میں کیا کرکے دکھایا؟ابھی بھی عمران خان کیا کر رہے ہیں؟ اس سے قبل ہم نے ملک میں کبھی اتنی افراتفری نہیں دیکھی، 4 لوگ سڑکیں بند کرکے بیٹھے ہیں، لوگوں کا برا حال ہے پی ڈی ایم اور پی ایم ایل این نے بھی لانگ مارچ کیا لیکن ایسی ویڈیوز نہیں آئیں۔
اس پر میزبان نے عمران خان کا دفاع کرتے ہوئے سوال کیا کہ آپ بتائیں آپ کا کہنا ہے کہ عمران خان فساد کی جڑ ہیں اگر عمران خان کو سیاست سے نکال دیں تو پاکستان کے حالات ٹھیک ہوجائیں گے؟کیا یہ لوگ ٹھیک کریں گے جنہوں سے 70 سال میں آرٹسٹ کو ایک بھی حق نہیں دیا۔
جس پر عفت عمر نے ڈٹے ہوئے کہا کہ ملک یہی سیاستدان ٹھیک کریں گے جو سیکھے ہوئے ہیں اگر عمران خان کو نکال دیا اور باقی سیاستدانوں کو کام کرنے دیا جائے تو ملک کے حالات ٹھیک ہوجائیں گے۔