وزیراعلیٰ خیبر پختونخوا سہیل آفریدی نے بانی پی ٹی آئی عمران خان سے ملاقات نہ کرانے پر پارلیمنٹ کی کارروائی نہ چلنے دینے کی دھمکی دے دی۔
جمعہ کو اڈیالہ جیل کے باہر رات بھر کے دھرنے کے بعد عدالت جانے والے وزیراعلیٰ کے پی سے چیف جسٹس اسلام آباد ہائی کورٹ نے ملاقات کرنے سے انکار کیا۔
بعد ازاں میڈیا سے گفتگو میں سہیل آفریدی نے کہا کہ تمام آئینی اور قانونی راستے اپنا چکے ہیں ، ایسا کون سا راستہ بچا ہے جس کے بعد وہ اپنے لیڈر سے ملاقات کرسکیں؟
وزیر اعلیٰ خیپر پختونخوا سہیل آفریدی نے عمران خان سے ملاقات نہ کرانے پر پارلیمنٹ کی کارروائی نہ چلنے دینے کی دھمکی دی اور منگل کو اسلام آباد ہائی کورٹ کے سامنے احتجاج کرنے کا اعلان کیا ۔
سہیل آفریدی نے کہا کہ اگر عدالت انصاف نہ کرپائے تو عوام خود انصاف کریں گے ، عوام انصاف کریں گے تو قانون بھی ہاتھ میں لیں گے ، حالات خراب ہوئے تو کنٹرول نہیں ہوسکیں گے۔
دوسری جانب امن وامان کی صورتحال کے پیش نظر اڈیالہ جیل کے اطراف سکیورٹی ہائی الرٹ کر دی گئی ہے.
