6

نیب کا جھوٹی شکایات درج کرانے والوں کے خلاف کارروائی کا فیصلہ

لاہور: نیب نے جھوٹی اور فرضی شکایات درج کرانے والوں کے خلاف کارروائی کا فیصلہ کیا ہے۔ نجی ٹی وی کے مطابق چئیرمین نیب جسٹس (ر) جاوید اقبال کی ہدایت پر نیب نے جھوٹی اور فرضی شکایات دینے والوں کے خلاف کارروائی کا فیصلہ کیا ہے جب کہ جھوٹی اور جعلی درخواستیں دینے والوں کو ایک سال قید، جرمانہ یا دونوں سزائیں دی جا سکیں گی۔ترجمان نیب کے مطابق یہ فیصلہ فرضی درخواستوں کی حوصلہ شکنی اور افسران سے اضافی بوجھ ختم کرنے کے لیے کیا گیا ہے، شکایت کنندہ کو مکمل ثبوتوں کے ساتھ بیان حلفی جمع کرانا ہوگا جب کہ دو ماہ تک تحریری شکایات کی جانچ پڑتال کرنے کے بعد کارروائی کا آغاز کیا جائے گا اورشکایت درست ثابت ہونے پر 4 ماہ کے اندر اندر انکوائری کا عمل مکمل کیا جائے گا۔ترجمان نیب نے کہا کہ شکایت کنندہ کو شکایت کا ڈائری نمبر دیا جائے گا جو دو ماہ بعد ٹریک کیا جاسکے گا جس سے شکایت کنندہ کو پتہ چل سکے کہ انکوئری کس مرحلے میں ہے۔

اس خبر پر اپنی رائے کا اظہار کریں

اپنا تبصرہ بھیجیں