switzerland return pakistani buddha statue 96

بدھا کی واپسی، سوئٹزرلینڈ نے پاکستان کی امانت واپس کردی

پشاور:کولوسل بدھا کا سب سے بڑا مجسمہ سوئٹزرلینڈ میں نمائش کے بعد واپس پشاور کے عجائب گھرمنتقل کردیا گیا ہے،حکومت پاکستان نے مجسمہ 2 ارب 60 کروڑ روپے انشورنس کے عوض نمائش کے لئے سوئٹزرلینڈ حکو مت کو دیا تھا۔ سوئٹزرلینڈ کے زیورخ میوزیم میں منعقدہ بدھ مت آرٹ کی نمائش میں چھ ماہ تک کولوسل بدھا کے مجسمے کی نمائش کی گئی۔ نمائش میں پشاور کے عجائب گھر کا مجسمہ لوگوں کی توجہ کا خصوصی مرکزبنا رہا۔مجسمے کا وزن 1500 کلو گرام اور لمبائی 9 فٹ ہے۔ کولوسل بدھا کا مجسمہ1909 میں مردان کے علاقے سری بہلول سے دریافت ہوا تھا۔حکومت پاکستان نے مجسمہ 2 ارب 60 کروڑ روپے انشورنس کے عوض نمائش کے لئے سوئٹزرلینڈ حکو مت کو دیا تھا۔زیورخ میوزیم میں منعقدہ نمائش میں پوری دنیا سے بدھ مت آرٹ کے نمونے رکھے گئے تھے۔ چین، جاپان اور کوریا سمیت مختلف ممالک کے وفود بھی نمائش میں شریک ہوئے۔ نمائش کا مقصد سوئٹزرلینڈ میں مذہبی سیاحت کو فروغ دینا تھا۔پشاورعجائب گھر کا مجسمہ 12 دسمبر2018 سے 31 مارچ 2019 تک زیورخ میوزیم میں نمائش کیلئے رکھا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں