سری لنکن شہری قتل کیس: ملزمان کی حمایت کرنے والے شخص کو قید اور جرمانے کی سزا

سیالکوٹ میں مشتعل ہجوم کے ہاتھوں بے دردی سے قتل ہونے والے سری لنکن فیکٹری منیجر پریانتھا کمارا کے قتل میں ملزمان کی حمایت کرنے والے شخص کو قید اور جرمانے کی سزا سنا دی گئی۔گوجرانوالہ کی انسداد دہشت گردی عدالت نے پریانتھا کمارا قتل کے ملزمان کی حمایت کرنے والے شخص کو سزا سنائی۔
انسداد دہشت گردی عدالت کی جانب سے ملزم عدنان کو ایک سال قید اور 10 ہزار روپے جرمانے کی سزا سنائی گئی۔
یاد رہے کہ ملزم عدنان نے پریانتھا کمارا قتل کیس کے ملزمان کی حمایت پر ویڈیو اپ لوڈ کی تھی جس کا مقدمہ سب انسپکٹر مبارک علی کی مدعیت میں درج کیا گیا تھا۔

اپنا تبصرہ بھیجیں