بہنوئی نے جادو کرنے کا الزام لگا کر سالی کو قتل کردیا

گوجرانوالہ: تھانیوالا بازار میں جادو کرنے کے شبے میں بہنوئی نے اپنی سالی کو قتل اور بیوی کو زخمی کردیا۔
ذرائع کے مطابق گوجرانوالہ میں عبداللہ نامی شخص نے گھر میں گھس کر اپنی سالی بشریٰ بی بی کو چھریوں سے وار کرکے قتل کردیا جب کہ بہن کو بچانے کی کوشش کرنے والی شمیم اپنے شوہر کے ہاتھوں زخمی ہوگئی۔واقعے کے بعد کوتوالی پولیس نے ملزم عبداللہ کو گرفتار کرلیا جس نے اپنے جرم کا اعتراف کرلیا۔
ملزم نے بتایا کہ پیر صاحب نے اسے خواب میں بتایا کہ سالی نے تم پر جادو کیا ہے، میری آنکھ کھلی تو جاکر سالی کو قتل کردیا۔

اپنا تبصرہ بھیجیں