کراچی: ڈالر کی بلند پرواز کے بعد اوپن مارکیٹ میں گراوٹ کا سلسلہ جاری ہے۔ 4 روز میں ڈالر 331 روپے سے 308 روپے کی سطح پر آ گیا۔
کاروباری ہفتے کے چوتھے روز بھی روپے کے مقابلے میں ڈالر کی قیمت کم ہوگئی اور ڈالر اوپن مارکیٹ میں 4 روپے کم ہوکر 308 روپے کا ہوگیا۔ واضح رہے کہ گزشتہ روز بھی ڈالر کی اوپن مارکیٹ قیمت میں 11 روپے کی بڑی کمی ریکارڈ ہوئی تھی۔
جب ڈالر 304 روپے 96 پیسے کا ہوگیا، تاہم بعد میں گراوٹ کا رجحان جاری رہا اور دوپہر تک ڈالر انٹربینک مارکیٹ میں 2 روپے 17 پیسے کی کمی کے ساتھ 304 روپے 80 پیسے کا ہوگیا۔
دوسری جانب پاکستان اسٹاک ایکسچینج میں بھی تیزی کا رجحان ہے۔ جمعرات کی صبح 51 پوائنٹس کی تیزی کے ساتھ کے ایس ای 100 انڈیکس بڑھ کر 455858 پوائنٹس کی سطح پر آگیا تھا، جو بعد میں 87 پوائنٹس اضافے سے 45894 کی سطح پر آگیا۔
ڈالر کی اوپن مارکیٹ میں گراوٹ جاری، 4 روز میں 331 سے 308 روپے پر آگیا
