محکمہ جیل خانہ جات پنجاب کے 7 افسران کے تقرری اور تبادلے کردئیے گئے۔
جیل خانہ جات میں تقرری اور تبادلوں کا نوٹیفکیشن جاری کردیا۔ نوٹیفکیشن کے مطابق رضوان سعید سپرٹینڈنٹ ڈسٹرکٹ جیل خانیوال تعینات کردئیے گئے۔
آفتاب احمد کو کورس کمانڈنٹ پنجاب پریزنزاسٹاف ٹریننگ کالج ساہیوال تعینات کردیا گیا ہے جبکہ محمد لطیف ڈپٹی سپرٹینڈنٹ (جوڈیشل) ڈسٹرکٹ جیل سرگودھا کے طور پر فرائض انجام دیں گے۔
نوٹیفکیشن کے مطابق نثار سرور ڈپٹی سپرٹینڈنٹ (ایگزیکٹو) ڈسٹرکٹ جیل حافظ آباد اور مختار احمد قریشی ڈپٹی سپرٹینڈنٹ (جوڈیشل) سنٹرل جیل بہاولپور تعینات کیے گئے ہیں۔ عنایت اللہ بطور ڈپٹی سپرٹینڈنٹ (ایگزیکٹو) ڈسٹرکٹ جیل رحیم یار خان اور محمد نوید اختر ڈپٹی سپرٹینڈنٹ (ایگزیکٹو) ڈسٹرکٹ جیل ملتان فرائض انجام دیں گے۔