اسلام آباد:وفاقی حکومت نے آمدنی کے مقابلے میں سرکاری اخراجات کم کرنے کی آئی ایم ایف کی ایک بڑی شرط پوری کردی،رواں مالی سال کی پہلی سہ ماہی میں اخراجات کی نسبت سرکاری آمدنی نمایاں طور پر بڑھ گئی۔
تفصیلات کے مطابق پہلی سہ ماہی میں 1696ارب سے زائد کا مجموعی فاضل بجٹ رہا، وفاق کی آمدن 4019 ارب، اخراجات 2483 ارب رہے، یوں وفاق کا بجٹ سرپلس 1536ارب رہا.
اس دوران صوبوں نے 160 ارب کم اخراجات کیے ،وزارت خزانہ کے مطابق پہلے تین ماہ میں ٹیکس ریونیو 521 ارب، نان ٹیکس ریونیو 2568 ارب روپے تک بڑھ گیا، اس میں ، پیٹرولیم لیوی کی مد میں 40 ارب اضافی وصول کیے گئے.
اسٹیٹ بینک کا منافع 2500 ارب روپے تک پہنچ گیا، گزشتہ مالی سال کی اسی مدت میں1031ارب کے مالی خسارے کا سامنا تھا۔