کراچی:سائٹ سپر ہائی وے پولیس نے موٹر سائیکل اسنیچنگ میں ملوث میاں بیوی کو گرفتارکرلیا۔
زرائع کے مطابق سائٹ سپر ہائی وے پولیس نے موٹر سائیکل اسنیچنگ میں ملوث ملزم محسن اور اس کی بیوی عظمیٰ کو گرفتار کرکے ان کے قبضے سے اسلحہ اورنقدی برآمد کرلی۔
ایس ایس پی ایسٹ ڈاکٹرفرخ رضا کے مطابق ملزم اورملزمہ ڈسٹرکٹ ایسٹ اور کیماڑی کے علاقوں سے اسلحہ کے زورپرموٹرسائیکلیں چھینا کرتے تھے۔
پولیس نے خفیہ اطلاع پرکارروائی کرکے موٹر سائیکل اسنیچنگ میں ملوث ملزم اورملزمہ کوگرفتار کیا، گرفتارملزمان کے خلاف مقدمہ درج کرلیا گیا ہے، ملزمان سے مزید تفتیش جاری ہے۔