معروف بالی ووڈ ہدایتکار اشونی دھیر کا بیٹا خطرناک روڈ حادثے کا شکار ہوکر ہلاک ہوگیا۔
بھارتی میڈیا کے مطابق 18 سالہ جلاج دھیر، 23 نومبر کو ممبئی کے وِلے پارلے ہائی وے پر ہونے والے ایک خطرناک کار حادثے میں جان کی بازی ہار گیا، حادثے میں جلاج کے ساتھ اس کا ایک دوست، سارتھک کوشک بھی ہلاک ہوا جبکہ کار میں موجود دیگر دو افراد شدید زخمی ہوئے ہیں۔
بتایا جارہا ہے کہ ہدایتکار کا بیٹا جلاج اور ان کے دوست گورے گاؤں ایسٹ میں ایک پارٹی کے بعد صبح تین بجے ڈرائیو پر نکلے جہاں تیز رفتاری کے باعث گاڑی کو حادثہ پیش آیا۔
گاڑی 120-150 کلومیٹر فی گھنٹہ کی رفتار سے چلائی جارہی تھی جبکہ ڈرائیور ساحل میندھا مبینہ طور پر نشے کی حالت میں تھا جو تیز رفتاری اور نشے میں ہونے کے باعث گاڑی پر کنٹرول کھو بیٹھا اور گاڑی روڑ پر موجود ڈیوائیڈر سے ٹکرا گئی۔
حادثے کے بعد اس کے ساتھ موجود ایک دوست جِمی نے پولیس کو اطلاع دی جہاں جائے وقوعہ پر پہنچ کر پولیس نے ڈرائیور ساحل کو حراست میں لے لیا۔
یاد رہے کہ اشونی دھیر نے ’عطیتھی تم کب جاوگے’ اور ’سن آف سردار‘ جیسی فلموں کی ہدایتکاری کی ہے۔ جلاج اپنے والد کے ساتھ ان کی نئی فلم ’حساب برابر‘ کی گوا میں انٹرنیشنل فلم فیسٹیول آف انڈیا میں اسکریننگ کے لیے جانے والے تھے۔
معروف بالی ووڈ ہدایتکار اشونی دھیر کا بیٹا خطرناک روڈ حادثے کا شکار ہوکر ہلاک ہوگیا۔
بھارتی میڈیا کے مطابق 18 سالہ جلاج دھیر، 23 نومبر کو ممبئی کے وِلے پارلے ہائی وے پر ہونے والے ایک خطرناک کار حادثے میں جان کی بازی ہار گیا، حادثے میں جلاج کے ساتھ اس کا ایک دوست، سارتھک کوشک بھی ہلاک ہوا جبکہ کار میں موجود دیگر دو افراد شدید زخمی ہوئے ہیں۔
بتایا جارہا ہے کہ ہدایتکار کا بیٹا جلاج اور ان کے دوست گورے گاؤں ایسٹ میں ایک پارٹی کے بعد صبح تین بجے ڈرائیو پر نکلے جہاں تیز رفتاری کے باعث گاڑی کو حادثہ پیش آیا۔
گاڑی 120-150 کلومیٹر فی گھنٹہ کی رفتار سے چلائی جارہی تھی جبکہ ڈرائیور ساحل میندھا مبینہ طور پر نشے کی حالت میں تھا جو تیز رفتاری اور نشے میں ہونے کے باعث گاڑی پر کنٹرول کھو بیٹھا اور گاڑی روڑ پر موجود ڈیوائیڈر سے ٹکرا گئی۔
حادثے کے بعد اس کے ساتھ موجود ایک دوست جِمی نے پولیس کو اطلاع دی جہاں جائے وقوعہ پر پہنچ کر پولیس نے ڈرائیور ساحل کو حراست میں لے لیا۔
یاد رہے کہ اشونی دھیر نے ’عطیتھی تم کب جاوگے’ اور ’سن آف سردار‘ جیسی فلموں کی ہدایتکاری کی ہے۔ جلاج اپنے والد کے ساتھ ان کی نئی فلم ’حساب برابر‘ کی گوا میں انٹرنیشنل فلم فیسٹیول آف انڈیا میں اسکریننگ کے لیے جانے والے تھے۔