ٹو بہ ٹیک سنگھ میں شرط لگاکر چوہے مارگولیاں کھانے والے 2 نوجوان جاں بحق ہوگئے۔
ٹوبہ ٹیک سنگھ کے علاقے رجانہ میں یہ افسوس ناک واقعہ پیش آیا ہے جہاں شرط لگا کر چوہے مارگولیاں کھانے والے 2 نوجوان جاں بحق ہوگئے۔
اہل علاقہ کا کہنا ہے کہ دونوں نوجوانوں نے آپس میں شرط لگائی تھی کہ چوہے مارگولیاں جعلی ہیں، گولیاں کھاتے ہی دونوں نوجوانوں کی حالت غیر ہوگئی اور کچھ ہی دیر میں وہ دم توڑ گئے۔
دریں اثنا نوجوانوں کی ہلاکت کی اطلاع ملتے ہی پولیس موقع پر پہنچ گئی اور تحقیقات کا آغاز کردیا۔