اے این ایف نے ملک کے مختلف شہروں میں منشیات اسمگلنگ کے خلاف کریک ڈاؤن کرتے ہو ئے 2 خواتین سمیت 8 ملزمان کوگرفتار کر لیا۔ترجمان اے این ایف کے مطابق 5 کارروائیوں کے دوران 64 لاکھ روپے سے زائد مالیت کی 44 کلو منشیات برآمد کر لی۔
فیصل آباد ایئرپورٹ پر بحرین جانے والے مسافر کے پیٹ سے 479 گرام وزنی آئس بھرے کیپسولز برآمد ہو ئےجبکہ ملزم کو گرفتار کر لیا گیا۔
سنگجانی ٹول پلازہ اسلام آباد کے قریب گاڑی سے 16.8 کلو چرس برآمد ہو ئی اور ملزم گرفتار کر لیا گیا۔
اسلام آباد موٹروے ٹول پلازہ کے قریب بس میں سوار دو خواتین سمیت 3 ملزمان سے 12 کلو چرس برآمدہوئی۔
گولڑہ موڑ اسلام آباد کے قریب رکشہ سے 10.5 کلو آئس برآمد اورملزم کو گرفتار کر لیاگیا۔
شیر شاہ ٹول پلازہ ملتان کے قریب گاڑی سے 5 کلو آئس برآمد دو ملزمان کو گرفتار کر لیا گیا۔ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔ 
