محکمہ موسمیات نے 29 اگست سے 2 ستمبر کے دوران ملک کے بالائی اور وسطی علاقوں میں بارش کی پیشگوئی کی ہے۔ اسلام آباد سے جاری اعلامیے کے مطابق شدید بارشوں کے باعث پہاڑی علاقوں میں لینڈ سلائیڈنگ کا خطرہ موجود ہے۔
اعلامیے میں بتایا گیا کہ 29 اگست سے 2 ستمبر تک کشمیر کے مختلف علاقوں میں اور 30 اگست سے 2 ستمبر تک گلگت بلتستان میں گرج چمک کے ساتھ بارش متوقع ہے۔
خیبر پختونخوا میں 29 اگست سے یکم ستمبر تک بارش کا امکان ہے۔ متاثرہ اضلاع میں چترال، دیر، سوات، کوہستان، مانسہرہ، ایبٹ آباد، نوشہرہ، کوہاٹ، کرک، پشاور، چارسدہ، مردان، صوابی، بنوں، لکی مروت، وزیرستان اور ڈی آئی خان شامل ہیں۔
پنجاب میں 29 اگست سے 2 ستمبر کے دوران اسلام آباد، راولپنڈی، مری، گلیات، گوجرانوالہ، لاہور، فیصل آباد، سیالکوٹ، نارووال، خوشاب اور سرگودھا سمیت مختلف علاقوں میں بارش متوقع ہے۔
محکمہ موسمیات کے مطابق موسلادھار بارشوں کے باعث پنجاب اور خیبر پختونخوا کے ندی نالوں میں طغیانی کا خدشہ ہے جبکہ اسلام آباد کے نشیبی علاقے زیر آب آ سکتے ہیں۔
اعلامیے میں مزید کہا گیا کہ 30 سے 31 اگست کے دوران سندھ کے مختلف علاقوں، جن میں مٹھی، تھرپارکر، سکھر، لاڑکانہ، جیکب آباد، دادو اور عمر کوٹ شامل ہیں، میں بھی بارش کا امکان ہے۔
اسی طرح 30 اگست سے 1 ستمبر کے دوران بلوچستان کے مختلف حصوں میں بھی بارش متوقع ہے۔ ان اضلاع میں بارکھان، موسیٰ خیل، لورالائی، سبی، ژوب، قلات اور خضدار شامل ہیں۔
