کراچی: بیٹی کے اسکول بیگ میں کتابوں کے نیچے چھپا کر منشیات کوئٹہ سے کراچی اسمگل کرنے والی خاتون کو گرفتار کرلیا گیا ہے۔
تفصیلات کے مطابق موچکو پولیس نے کوئٹہ سے کراچی آنے والی مسافر بس کی تلاشی کے دوران شک کی بنیاد پر 10سالہ بچی کے پاس موجود اسکول بیگ کی تلاشی لی جس دوران اسکول بیگ سے مبینہ طور پر 4کلو منشیات برآمد کرلی گئی۔
یہ بھی پڑھیں
ایف آئی اےکی فیصل آباد اور ملتان میں کارروائیاں، انسانی اسمگلنگ اور ویزافراڈمیں ملوث7ملزمان گرفتار
خاتون کی نقلی بچے کے ذریعے اسمگلنگ کی کوشش ناکام
ایس ایس پی کیماڑی امجد شیخ کے مطابق مسافر کوچ میں منشیات سپلائی میں ملوث خاتون بی بی ذاکرہ کوئٹہ سے کراچی آنے والی بس میں اپنی 10سالہ بیٹی کے ساتھ سفر کررہی تھی۔
ایس ایس پی کیماڑی نے بتایا کہ ملزمہ نے اپنی بیٹی کے اسکول بیگ میں کتابوں کے نیچے منشیات چھپاکر کراچی منتقل کرنے کی کوشش کی جسے کیماڑی پولیس نے ناکام بنادیا۔
ایس ایس پی کیماڑی کے مطابق برآمدہ منشیات کراچی کے مختلف علاقوں میں سپلائی کی جانی تھی، ملزمہ کو تھانے منتقل کرکے اس کے خلاف منشیات ایکٹ کے تحت مقدمہ درج کرلیا گیا ہے۔
