لاہور: پنجاب میں کینسر اورکارڈیک سرجری کے لیے خصوصی کارڈ متعارف کرانے کا فیصلہ کیا گیا ہے۔
وزیراعلیٰ پنجاب مریم نواز کی زیر صدارت اجلاس ہوا جس میں وزیراعلیٰ اسپیشل اینیشیٹو برائے کینسر پیشنٹ کارڈ متعارف کرانے کا فیصلہ کیا گیا ہے۔
اس کے علاوہ اجلاس میں کینسراورکارڈیک سرجری کے لیےخصوصی کارڈ لانے کا بھی فیصلہ کیا گیا ہے۔
مریم نواز کو بریفنگ میں بتایا گیا کہ کینسر اور دل کے مریضوں کے علاج کا مکمل خرچ حکومت ادا کرے گی، مریض سی ایم اسپیشل اینیشیٹو کارڈ پر 10 لاکھ تک علاج پر خرچ کرسکےگا جب کہ پہلے مرحلےمیں 45 ہزارمریض اس کارڈ سے علاج کروا سکیں گے۔
بریفنگ میں مزید بتایاگیا کہ چیف منسٹرکارڈیک سرجری پروگرام کارڈ پر مفت سرجری کی جائے گی، نواز شریف انسٹی ٹیوٹ برائےکینسرٹریٹمنٹ کا اوپی ڈی بلاک 17 جنوری تک فعال ہوگا، نواز شریف انسٹی ٹیوٹ آف کارڈیالوجی سرگودھا 31جنوری تک فعال کرنےکی ڈیڈلائن مقرر کی گئی ہے۔
بریفنگ میں بتایا گیا کہ انسٹی ٹیوٹ آف کینسرٹریٹمنٹ میں پہلے مرحلے میں 219 اسامیوں پر بھرتی کی منظوری دی گئی ہے، اس کے علاوہ نوازشریف انسٹی ٹیوٹ آف کارڈیالوجی سرگودھامیں 258 اسامیوں پربھرتی کی منظوری دی گئی ہے۔
جناح انسٹی ٹیوٹ آف کارڈیالوجی لاہور15 فروری سےفنکشنل ہوگا جس میں1104اسامیوں پربھرتی کی منظوری دی گئی ہے جب کہ پنجاب کے بڑے اسپتالوں میں 19ارب 90کروڑ روپے کی ادویات مہیا کی گئی ہیں.
