(جرأت نیوز)انڈر 19 ایشیا کپ فائنل میں پاکستان اور بھارت کل مدمقابل آئیں گے۔تفصیلات کے مطابق پاکستان اور بھارت کے درمیان انڈر 19 ایشیا کپ کا فائنل کل آئی سی سی کرکٹ اکیڈمی دبئی میں کھیلا جائے گا۔میچ پاکستانی وقت کے مطابق صبح 10 بجے شروع ہوگا۔پاکستان نے سیمی فائنل میں دفاعی چیمپئن بنگلادیش جبکہ بھارت نے سری لنکا کو شکست دی تھی۔یاد رہے کہ گروپ مرحلے میں کھیلے گئے میچ میں بھارت نے 90 رنز سے فتح حاصل کی تھی۔
