راولپنڈی:(روزنامہ جرأت) چیف آف ڈیفنس فورسز فیلڈ مارشل عاصم منیر سے بنگلا دیش کی فضائیہ کے سربراہ حسن محمود خان نے ملاقات کی جس میں دوطرفہ دفاعی تعلقات اور علاقائی سلامتی پر تبادلہ خیال کیا گیا۔پاک فوج کے شعبہ تعلقات عامہ( آئی ایس پی آر) کے مطابق جمعرات کو فیلڈ مارشل سید عاصم منیر سے بنگلا دیش فضائیہ کے سربراہ حسن محمود خان نے ملاقات کی۔ملاقات میں دوطرفہ دفاعی تعلقات، علاقائی سلامتی پر تبادلہ خیال کیا گیا، پاکستان اور بنگلا دیش کے دفاعی تعاون کو مزید مضبوط بنانے پر بھی اتفاق ہوا۔آئی ایس پی آر کے مطابق ملاقات میں پیشہ ورانہ عسکری تعاون اور تربیتی تبادلوں کے فروغ پر زوردیا گیا۔بنگلا دیشی ائیرچیف نے پاک فوج کی پیشہ ورانہ صلاحیتوں کو خراجِ تحسین پیش کیا اور خطے میں امن واستحکام کیلئے پاک فوج کے کردارکی تعریف کی۔آئی ایس پی آر کے مطابق فیلڈ مارشل عاصم منیر نے بنگلا دیش کے ساتھ دیرپا دفاعی تعلقات کے عزم کا اعادہ کیا۔آئی ایس پی آر کاکہنا ہےکہ فریقین نے پاک بنگلا دیش برادرانہ تعلقات مزید مضبوط بنانے پر اتفاق کیا۔
