(روزنامہ جرأت)بھارتی سپر اسٹار اکشے کمار اور اُن کی اہلیہ ٹوئنکل کھنہ ائیرپورٹ سے گھر کےلیے واپس آتے ہوئے غیر معمولی حادثے کا شکار ہوگئے۔بھارتی میڈیا رپورٹ کے مطابق اکشے کمار اور ٹوئنکل کھنہ پیر کی شام بیرون ملک سے ممبئی واپس آئے اور گھر جاتے ہوئے اُن کی کار اور سیکیورٹی گاڑی غیر متوقع حادثے کا نشانہ بن گئی۔
رپورٹ کے مطابق ایک تیز رفتار مرسڈیز کی ٹکر سے ایک آٹو رکشہ بے قابو ہوکر پہلے اکشے کمار کے سکیورٹی قافلے سے ٹکرایا اور پھر وہ اداکار جوڑے کی گاڑی سے جا لگا۔
میڈیا رپورٹ کے مطابق عینی شاہدین کے مطابق حادثہ دیکھ کر خوف محسوس ہوا، ہر طرف افراتفری مچ گئی۔
حادثے کی وجہ سے آٹو ڈرائیو اور اس کی سواری کچھ دیر کےلیے گاڑی کے نیچے دب گئے تاہم اکشے کمار اور اُن کے عملے نے فوری طور پر مدد فراہم کی اور انہیں بحفاظت باہر نکال لیا گیا۔رپورٹ کے مطابق ممبئی کے جوہو علاقے کے قریب پیش آنے والے حادثے میں خوش قسمتی سےتمام افراد محفوظ رہے۔
یاد رہے کہ اکشے کمار اور ٹوئنکل کھنہ اپنی 25ویں سالگرہ منانے کے لیے بیرون ملک گئے تھے، جہاں سے واپسی پر حادثہ پیش آیا ہے۔
