(روزنامہ جرأت)بالی وڈ کے معروف پروڈیوسر کرن جوہر نے سوشل میڈیا سے دوری اختیار کرلی۔بھارتی میڈیا کے مطابق کرن جوہر نے گزشتہ روز سوشل میڈیا سے دوری اختیار کرنے کا اعلان کیا۔کرن جوہر نے اپنے انسٹاگرام اکاؤنٹ کی اسٹوری پر سوشل میڈیا سے ایک ہفتے کی دوری کا اعلان کرتے ہوئے لکھا کہ ایک ہفتے تک خود کو ڈیجیٹل آلودگی سے دور رکھ رہا ہوں۔
انہوں نے مزید لکھا کہ کوئی اسکرولنگ نہیں، کوئی میسیجز نہیں اور نہ ہی کوئی پوسٹ۔
اس کے ساتھ ہی پروڈیوسر نے ایک ہفتے کے دوران تمام تر سوشل میڈیا سرگرمیوں سے دور رہنے کی دعا بھی کی۔
واضح رہے کرن جوہر نے سوشل میڈیا سے عارضی کنارہ اختیار کرنے سے قبل اپنے انسٹاگرام اکاؤنٹ پر فلم ‘patriot’ کی تصویر شیئر کرتے ہوئے اس کی تعریف کی۔
