وزیراعظم شہباز شریف سے متحدہ عرب امارات کے سفیر حماد عبید ابراہیم الزابی نے الوداعی ملاقات کی، جس میں وزیراعظم نے سفیر کی پاکستان میں کامیاب مدت ملازمت پر مبارکباد پیش کی۔
شہباز شریف نے پاک اور یو اے ای کے درمیان تعلقات کو مضبوط بنانے میں سفیر کے مثبت کردار کو سراہتے ہوئے محمد بن زاید آل نہیان کی قیادت کو بھی قدر کی نگاہ سے دیکھا۔
وزیراعظم نے کہا کہ گزشتہ چند مہینوں میں دونوں ممالک نے اپنے تعلقات کو بہتر بنانے کے لیے اہم اقدامات کیے ہیں اور وہ محمد بن زاید آل نہیان کے پاکستان کے سرکاری دورے کے منتظر ہیں، جس سے دوطرفہ تعلقات میں مزید بہتری آئے گی۔
یو اے ای کے سفیر حماد الزابی نے بھی الوداعی ملاقات کے موقع پر وزیراعظم کا شکریہ ادا کیا اور مستقبل میں دونوں ممالک کے مضبوط تعلقات کے فروغ کے لیے کام جاری رکھنے کا عزم ظاہر کیا۔
