خیبر پختونخوا کے ضلع اورکزئی کے علاقے ڈبوری میں پولیو ٹیم پر حملے کے دوران پولیس اہلکار جاں بحق جبکہ دو عسکریت پسند بھی ہلاک ہوگئے۔
پولیس کے مطابق ایک اہلکار زخمی بھی ہوا جبکہ واقعے کے بعد تین مشکوک افراد کو گرفتار کر لیا۔
دوسری جانب، سرائے نورنگ کے علاقے کوٹکہ شیر خان میں نامعلوم افراد کی فائرنگ سے خفیہ ایجنسی اسپیشل برانچ کا اہلکار جاں بحق ہوگیا۔
اسپیشل برانچ کے اہلکار کی شناخت عارف خان کے نام سے کی گئی، لاش ڈسٹرکٹ ہیڈ کوارٹر اسپتال لکی مروت منتقل کر دی گئی۔