ڈی آئی خان:جنوبی وزیرستان میں سیاہ شیشوں والی کار سے چلتی گاڑی پر فائرنگ کے نتیجے میں تین افراد جاں بحق ہو گئے۔
پولیس حکام کے مطابق ڈی آئی خان میں جنوبی وزیرستان کی تحصیل برمل کے علاقے راغزائی کے قریب کالے شیشے والی فیلڈر کار سے فائرنگ کرنے کا واقعہ پیش آیا ہے، جس کے نتیجے میں ڈارئیور سمیت 3 افراد موقع پر جاں بحق ہو گئے۔
ڈی پی او آصف بہادر نے بتایا کہ فائرنگ چلتی کارگو گاڑی پر کی گئی ہے جس کا نشانہ بننے والے تینوں کا افراد کا تعلق وزیر گنگی خیل قبائل سے ہے۔
فائرنگ کے واقعے کی وجوہات کا تاحال علم نہیں ہو سکا۔ پولیس نے جائے وقوع سے شواہد اکٹھے اور علاقے کی ناکا بندی کرکے واقعے کی تحقیقات شروع کردی ہے۔