ایک نئی تحقیق سے پتہ چلتا ہے کہ وہ مائیں جنہوں نے ابھی ابھی جڑواں بچوں کو جنم دیا ہے، ان میں اگلے ہفتوں اور مہینوں تک دل کی بیماری کا خطرہ زیادہ ہوتا ہے۔
محققین نے یورپی ہارٹ جرنل میں رپورٹ کیا کہ جڑواں بچوں کی پیدائش کے ایک سال کے اندر اندر خواتین میں دل کے مسائل کے باعث اسپتال میں داخل ہونے کا خطرہ دُگنا ہو جاتا ہے۔
محققین کے مطابق خطرہ اس وقت اور بھی زیادہ ہوجاتا ہے یعنی آٹھ گنا زیادہ جب حمل کے دوران ہائی بلڈ پریشر کا سامنا ہو۔
نیو جرسی کے روٹگرز رابرٹ ووڈ جانسن میڈیکل اسکول میں میڈیسن ریسرچر، ڈاکٹر روبی لن نے ایک نیوز ریلیز میں کہا کہ جڑواں بچوں کی ماں کا دل حمل کے دوران دیگر ماؤں کے مقابلے میں زیادہ محنت کرتا ہے۔
سرکردہ محقق نے مزید کہا کہ یہ حالت جڑواں بچوں کی پیدائش کے بعد سنبھلنے میں ہفتوں لگ سکتے ہیں.