گوگل کے بعد ایپل نے بھی اپنے آن لائن نقشوں پر گلف آف میکسیکو خلیج میکسیکو کا نام بدل کر خلیج امریکا رکھ دیا ہے۔
یہ اقدام صدر ڈونلڈ ٹرمپ کے حکم پر یو ایس جیوگرافک نیمز انفارمیشن سسٹم کی جانب سے نام کی باضابطہ تبدیلی کے بعد سامنے آیا ہے۔
اگرچہ گوگل نے اپنے نقشے پر نام کو اپ ڈیٹ کردیا ہے لیکن کمپنی نے کہا کہ امریکا میں لوگ خلیج امریکا دیکھیں گے اور میکسیکو کے لوگ خلیج میکسیکو دیکھیں گے۔ دیگر کو نقشے پر دونوں نام نظر آئیں گے۔
یو ایس جیوگرافک نیمز انفارمیشن سسٹم نے اتوار کو باضابطہ طور پر نام کو اپ ڈیٹ کیا۔ دوسری جانب مائیکروسافٹ نے بھی اپنے بنگ میپ پر گلف آف میکسیکو نام تبدیل کر دیا ہے۔
دوسری جانب ایسوسی ایٹڈ پریس، جو عالمی سطح کی خبریں دنیا بھر کے سامعین کو فراہم کرتا ہے، خلیج میکسیکو کو اس کے اصل نام سے ہی حوالہ دے گا جو اس نے 400 سالوں سے جاری رکھا ہوا ہے۔ تاہم ادارہ خلیج امریکا کے نام کو بھی تسلیم کرتا ہے۔
