بغیر ڈرائیور کے چلنے والے ٹرکوں (autonomous trucks) کی تیاری کا سہرا چین کو جاتا ہے جو کہ لاجسٹکس اور نقل و حمل کے شعبے میں ایک انقلابی قدم ہے۔
انسیپٹیکو ٹیکنالوجی چین کی ایک معروف کمپنی ہے جو بھاری گاڑیوں کے لیے خودکار ڈرائیونگ ٹیکنالوجی تیار کرتی ہے۔
نومبر 2023 میں کمپنی نے Yunyi Transport کو 63 خودکار ٹرک فراہم کیے، جو کہ 300 ٹرکوں کے آرڈر کا پہلا حصہ تھا۔
یہ ٹرک “Tianlong” ماڈل ہیں، جو ڈانگفینگ کمرشل وہیکل کے ساتھ مل کر تیار کیے گئے ہیں اور ان میں انسیپٹیکو کا مکمل خودکار ڈرائیونگ سسٹم نصب ہے۔
اب تک، انسیپٹیکو کے خودکار ٹرکوں نے 60 ملین کلومیٹر کا حادثات سے پاک تجارتی آپریشن مکمل کیا ہے جس سے مزدوری اور ایندھن کے اخراجات میں نمایاں کمی آئی ہے۔
مارچ 2025 میں چین کی سب سے بڑی اندرون ملک لاجسٹکس بندرگاہ Guoyuan پورٹ نے چھ خودکار نیو انرجی اسمارٹ ٹرکوں کا بیڑا متعارف کرایا۔
یہ ٹرک اے آئی کیمرے، لیزر ریڈار، 5G اینٹینا، اور GNSS اینٹینا سے لیس ہیں جو انہیں درست نیویگیشن اور مؤثر لوڈنگ/ان لوڈنگ کی صلاحیت فراہم کرتے ہیں۔
یہ ٹرک روزانہ اوسطاً 200 TEUs (ٹونٹی فٹ ایکویولنٹ یونٹس) کا سامان سنبھالتے ہیں، جس سے مزدوری کے اخراجات میں ایک تہائی کمی واقع ہوئی ہے۔ چین میں پہلی بار بغیر ڈرائیور ٹرک کے قافلوں کو ہائی وے پر آزمائش کی اجازت ملی.