ٹانک: سکیورٹی خدشات کے باعث ویکسی نیشن سے محروم علاقے میں پولیو کیس سامنے آگیا
ٹانک کی تحصیل جنڈولہ میں 20 ماہ کی بچی میں پولیو وائرس کی تصدیق کی گئی ہے—فوٹو: فائل
اسلام آباد: خیبر پختونخوا میں پولیو کا ایک اور کیس سامنے آ گیا۔
نیشنل انسٹی ٹیوٹ آف ہیلتھ (این آئی ایچ) کی جانب سے ٹانک کی تحصیل جنڈولہ میں 20 ماہ کی بچی میں پولیو وائرس کی تصدیق کی گئی ہے۔
این آئی ایچ کے مطابق علاقہ سکیورٹی خدشات کے باعث پولیو ویکسی نیشن سے محروم رہا تھا۔
رواں سال ضلع ٹانک جنوبی خیبرپختونخوا میں یہ 14واں پولیو کیس ہے۔
این آئی ایچ کے مطابق 2025 میں پاکستان میں پولیو کیسز کی مجموعی تعداد 24 تک پہنچ گئی۔
خیبرپختونخوا میں 16، سندھ 6 اور پنجاب، گلگت بلتستان میں ایک ایک پولیو کیس سامنے آچکا ہے.
