کراچی: پاکستان اسپیس اینڈ اپر ایٹموسفیئر ریسرچ کمیشن (سپارکو) کا کہنا ہے کہ 2025 کا آخری سپر مون یا دسمبر کا کولڈ مون آج ہوگا۔
سپارکو کے مطابق آخری سپرمون یا دسمبر کا کولڈ مون 4 اور 5 دسمبرکی رات پاکستان میں واضح دیکھا جاسکے گا۔
دسمبر کا کولڈ مون سال 2025 کا تیسرا مسلسل سپر مون ہے جو 5 دسمبر کی صبح 4:15 بجے 99.8 فیصد روشن حالت میں عروج پر پہنچے گا۔
سپارکو کے مطابق پاکستان میں 4 دسمبرکی شام 4 بج کر 58 منٹ پر چاند 99.2 فیصد روشن حالت میں طلوع ہوگا جب کہ 4 اور 5 دسمبر کی رات چاند اور زمین کا فاصلہ 357,218 کلومیٹر ہوگا۔
سپارکو کا بتانا ہے کہ سپرمون کے دوران چاند تقریباً 7.9فیصد بڑا اور 15فیصد زیادہ روشن دکھائی دے گا۔
دنیا بھر میں سپر مون سال میں عموماً تین سے چار مرتبہ ہوتا ہے۔
