اسلام آباد: تھانہ صادق آباد کے علاقے مری روڈ پرچینی باشندے کے کال سینٹر پر ڈکیتی کی واردات، ملزمان نقدی اور موبائل فون لوٹ کر لے گئے۔
پولیس کے مطابق مری روڈ پر واقع کیانی پلازہ میں چینی باشندے کے کال سینٹر میں دو نقاب پوش ڈاکو خود کو ایف آئی اے اہلکار ظاہر کرکے داخل ہوئے۔
ملزمان نے اسلحے کے زور پر کال سینٹر کے سی سی ٹی وی کیمرے بند کرکے کارڈ نکال لیے اور70 ہزار کی نقدی ، 40 موبائل فون اور لیپ ٹاپ لوٹ کر لے گئے۔
ملزمان جاتے ہوئے کمپنی کے مالک چینی باشندے سے گاڑی کی چابی بھی چھین لے گئے، اطلاع ملتے ہی پولیس اور فرانزک ٹیم موقع پر پہنچ گئی۔
پولیس کا کہنا ہے کہ واردات کی تحقیقات کی جارہی ہے۔