کراچی؛ایف آئی اے کی بڑی کاروائی ،حوالہ ہنڈی میں ملوث ملزم گرفتار

ایف آئی اے کراچی زون کی بڑی کاروائی ,ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کاروائیاں جاری ہیں۔ایف آئی اے کارپوریٹ کرائم سرکل کراچی کی کاروائی، حوالہ ہنڈی میں ملوث ملزم گرفتار ،ملزم عبدالقادر کو جناح روڈ کراچی سے گرفتار کیا گیا۔ملزم حوالہ ہنڈی میں ملوث ہے۔ملزم کے قبضے سے 80 لاکھ روپے زائد برآمد ہو ئے۔ملزم سے موبائل فونز اور حوالہ ہنڈی سے متعلق شواہد برآمد کر لیے گئے ۔
ملزم برآمد ہونے والی کرنسی کے حوالے سے حکام کو مطمئن نہ کر سکا۔ملزم کو گرفتار کر کے تفتیش شروع کر دی گئی جبکہ ملزم کے دیگر ساتھیوں کی گرفتاری کے لئے چھاپے مارے جا رہے ہیں۔