بھارتی اداکارہ سواستیکا مکھرجی کے گھر سے ڈیلیوری بوائے نے انگلینڈ اور بھارت میچ کے ٹکٹ چوری کرلیے۔
اداکارہ نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں بتایا کہ 22 جنوری کو کولکتہ کے ایڈن گارڈنز ہونیوالے میچ کے 2 ٹکٹس ایک ڈیلیوری بوائے نے گھر سے چوری کیے ہیں۔
میچ سے چند گھنٹے قبل اداکارہ نے ٹکٹ کی چوری سے متعلق انسٹاگرام پر مداحوں آگاہ کیا اور رائیڈر کیخلاف کمپلین بھی درج کی۔
سواستیکا نے انسٹاگرام پر لکھا کہ یہ آرڈر شام 6:30 پر دیا گیا تھا لیکن ڈیلیوری رائیڈر نے 5:30 بجے آرڈر پہنچا دینے کا نشان لگادیا جس پر ہم نے سویگی کمپنی کو شکایت بھی کی تاہم کوئی کارروائی عمل میں نہیں لائی گئی۔انہوں نے بتایا کہ وہ ٹکٹ میرے دوست کے والد کیلئے تھے جنہیں لائیو میچ دیکھنا تھا تاہم وہ محروم ہوگئے، میچ شروع ہونے سے قبل تمام ٹکٹ فروخت ہوگئے تھے، جس نے انکی میچ دیکھنے کی امیدوں کو توڑ دیا۔
سواستیکا نے اپنی تصویر اور فون نمبر سمیت ڈیلیوری ایگزیکٹو کی تفصیلات کے ساتھ سوئگی جنی آرڈر کا اسکرین شاٹ بھی شیئر کیا۔
