کراچی:آئی سی سی چیمپئنز ٹرافی کے تیسرے میچ میں جنوبی افریقا کی افغانستان کیخلاف بیٹنگ جاری ہے۔
دونوں ٹیمیں نیشنل اسٹیڈیم کراچی میں مدمقابل ہیں، جنوبی افریقا نے 30 اوورز میں دو وکٹوں کے نقصان پر 170 رنز بنالیے ہیں۔ ریان ریکیلٹن اور راسی وان ڈیر ڈوسن کریز پر موجود ہیں۔
جنوبی افریقا کی پہلی وکٹ 5.1 اوور میں 28 رنز کے مجموعی اسکور پر گری جب ٹونی ڈی زورزی 11 رنز بناکر پویلین لوٹ گئے۔ 157 کے مجموعی اسکور پر ٹمبا باوُوما 58 رنز بناکر آؤٹ ہوئے۔ دونوں کو محمد نبی نے آؤٹ کیا۔
قبل ازیں جنوبی افریقا کے کپتان ٹمبا باؤوما نے ٹاس جیت کر پہلے بیٹنگ کا فیصلہ کیا تھا، انکا کہنا تھا کہ وکٹ عام طور پر پاکستان میں جیسی ہوتی ہے اس سے مختلف لگ رہی ہے۔ یقین سے نہیں کہہ سکتا کہ یہ کیسا برتاؤ کرے گی۔ ہمیں وکٹ کا جائزہ لینا ہوگا، امید ہے کہ اچھا اسکور بورڈ پر لگا سکیں گے۔
جنوبی افریقا کے کپتان نے کہا کہ ہمیں اپنی بولنگ پر مکمل اعتماد ہے، ہماری مستقل مزاجی ہماری طاقت رہی ہے، ہم صرف ایک اسپنر کے ساتھ کھیل رہے ہیں۔
افغانستان کے کپتان حشمت اللہ شاہدی کا کہنا تھا کہ اگر ہم ٹاس جیتتے تو ہم بھی بولنگ کرتے۔ ہم نے شارجہ میں جنوبی افریقہ کے خلاف معیاری کرکٹ کھیلی، ہمارے پاس بہترین اسپنرز موجود ہیں۔
انہوں نے کہا کہ ہم جلدی وکٹیں لیکر اچھی شروعات کریں گے اور کوشش ہوگی کہ جنوبی افریقا کو کم اسکور تک محدود رکھیں۔
افغانستان کا اسکواڈ: رحمان اللہ گرباز، ابراہیم زدران، صدیق اللہ اتل، رحمت شاہ، حشمت اللہ شاہدی (کپتان)، عظمت اللہ عمرزئی، گلبدین نائب، محمد نبی، راشد خان، نور احمد، فضل حق فاروقی
جنوبی افریقہ کا اسکواڈ: ریان ریکیلٹن، ٹونی ڈی زورزی، ٹمبا باوُوما (کپتان)، راسی وان ڈیر ڈوسن، ایڈن مارکرم، ڈیوڈ ملر، ویان ملڈر، مارکو جانسن، کیشو مہاراج، کگیسو ربادا، لنگی نگیڈی