پیرس اولمپکس کے دوران آسٹریلیوی مینز ہاکی ٹیم کے پلئیر کو کوکین خریداری کے الزام میں گرفتار کرلیا گیا۔
ای ایس پی این کی رپورٹ کے مطابق آسٹریلوی مینز ہاکی ٹیم کے پلئیر ٹام کریگ کو کوکین خریداری کے الزام میں گرفتار کیا گیا ہے جس کی تصدیق آسٹریلوی اولمپک کمیٹی نے بھی کردی ہے۔
کمیٹی کی جانب سے جاری کردہ بیان میں کہا گیا ہے کہ مبینہ طور پر کوکین خریداری کے الزام میں پلئیر کو فرانسیسی پولیس نے حراست میں لیا ہے۔
ابتدائی طور پر کھلاڑی کا نام ظاہر نہیں کیا گیا تھا تاہم اے پی پی نے تصدیق کی کہ گرفتار کھلاڑی آسٹریلیوی مینز ہاکی ٹیم کے پلئیر ٹام کریگ ہیں۔
آسٹریلوی اولمپک کمیٹی کے ارکان کھلاڑی سے پوچھ گچھ اور مدد کررہے ہیں۔