اسلام آباد: تحریک انصاف کے رہنما عمر ایوب نے مذاکرات کیلئے ماحول بنانے کا مطالبہ کردیا۔
چئیرمین پی ٹی آئی بیرسٹر گوہر کی زیر صدارت اسلام آباد میں پی ٹی آئی پارلیمانی کمیٹی کا اجلاس ہوا جس کے بعد میڈیا سے گفتگو کرتے ہوئے عمر ایوب نے کہا کہ مذاکرات کیلئے ماحول بنانے کی ضرورت ہے، ابھی مذاکرات کیلئے ماحول سازگار نہیں ہے، ہمیں مذاکرات کا معلوم ہی نہیں۔
انہوں نے کہا کہ ہمارا مینڈیٹ چوری ہوا ہے وہ واپس کیا جائے، ہمارے کیسز ختم ہونگے، بانی چئیرمین رہا ہونگے تو ہی مذاکرات کرسکتے ہیں۔
خواجہ آصف کی مذاکرات کی مخالفت سے متعلق سوال کے جواب میں انہوں نے کہا کہ خواجہ آصف کو تو اپنی منسٹری چپڑاسی کا بھی نہیں پتہ۔
انہوں نے مزید کہا کہ اچکزئی کو بانی چئیرمین نے مذاکرات کا ٹاسک دیا ہے، اچکزئی سے آج ملاقات کرکے مذاکرات کے بارے میں معلومات لوں گا۔
نواز شریف نے مذاکرات کیلئے حامی بھرلی ہے، اس سوال کے جواب میں عمر ایوب نے لاعلمی کا اظہار کرتے ہوئے کہا کہ مجھے اس بارے میں نہیں پتہ۔