سیشن کورٹ لاہور میں اسٹیج اداکارہ نرگس پر شوہر کے مبینہ تشدد کے مقدمے کی سماعت ہوئی۔
ملزم ماجد بشیر کی عبوری درخواست ضمانت پر سماعت کے دوران پولیس نے نامکمل رپورٹ عدالت میں پیش کی۔
نامکمل رپورٹ کے اعتراض پر پولیس نے کہا کہ ہمیں تفتیش مکمل کرنے کےلیے مہلت دی جائے۔
عبوری ضمانت کی سماعت ڈیوٹی ایڈیشنل سیشن جج نے کی۔ عدالت نے عبوری ضمانت میں دو جنوری تک توسیع کردی۔
واضح رہے کہ اداکارہ نرگس کے شوہر پر مبینہ تشدد کا مقدمہ تھانہ ڈیفنس سی پولیس نے درج کررکھا ہے۔