Loمعروف اداکارہ نیلم منیر نے مہندی کی تصاویر اور ویڈیوز شیئر کرنے کے بعد اب نکاح کی تصاویر شیئر کردیں جو سوشل میڈیا پر وائرل ہوگئیں۔
نیلم منیر کی جانب سے تین جنوری کی شام کو نکاح کی تصاویر شیئر کی گئیں وائرل تصاویر میں نیلم منیر نے سفید رنگ کا لباس زیب تن کر رکھا ہے جبکہ انہیں عرب لباس میں ملبوس شخص کے ہمراہ رومانوی فوٹوشوٹ میں دیکھا جا سکتا ہے۔
فوٹو اور ویڈیو شیئرنگ ایپ انسٹاگرام پر وائرل ہونے والی تصاویر میں نیلم منیر کو شوہر کے ہمراہ دبئی کے مختلف مقامات پر خوشگوار موڈ میں دیکھا جاسکتا ہے۔
اس سے قبل اداکارہ نے اپنی مایوں کی تقریب کی تصاویر سوشل میڈیا پر شیئر کی تھیں جن میں انہوں نے زرد رنگ کا روایتی لباس زیب تن کر رکھا تھا اور وہ تصاویر کراچی کے ایک خوبصورت مقام پر کیے گئے فوٹوشوٹ کی تھیں۔
نکاح کی تصاویر میں نیلم منیر کو ان کے شوہر کے ہمراہ دبئی کے مختلف مقامات پر فوٹوشوٹ کرتے ہوئے دیکھا جا سکتا ہے، تصاویر کے بیک گراؤنڈ میں دبئی کے مختلف مقامات نظر آرہے ہیں جن میں دنیا کی بلند ترین عمارت برج خلیفہ کو بھی دیکھا جا سکتا ہے۔
اداکارہ نے تصاویر شیئر کرتے ہوئے تصدیق کی کہ انہوں نے نئی زندگی کا آغاز کردیا اور ساتھ ہی مداحوں سے دعاؤں میں یاد رکھنے کی اپیل بھی کی ہے تاہم انہوں نے شوہر کا نام سمیت نکاح و شادی کی تقریبات کی دیگر تفصیلات نہیں بتائیں۔
اپنے شریک حیات کے ہمراہ تصاویر شیئر کرنے کے بعد ان کے مداحوں نے شریک حیات سے متعلق کمنٹ میں سوالات بھی کیے لیکن اس حوالے سے اداکارہ کی جانب سے کسی قسم کی معلومات فراہم نہیں کی گئیں۔