پاکستان شوبز کی سینئر اداکارہ فضیلہ قاضی نے اپنی اور شوہر قیصر خان کی شادی سے متعلق دلچسپ واقعہ بتا دیا۔
بلال اشرف کے پروگرام میں گفتگو کرتے ہوئے فضیلہ قاضی نے بتایا کہ شوبز میں ان کے کیرئیر کی شروعات کے دنوں میں ہی قیصر خان ان کی محبت میں مبتلا ہوگئے تھے۔
اداکارہ نے بتایا کہ وہ جہاں بھی شوٹنگ پر جاتیں قیصر خان ان کے پیچھے پیچھے پہنچ جاتے تھے۔ اُن دِنوں وہ دونوں ہی اسٹرگلنگ ایکٹرز تھے اس لئے اداکارہ نے سوچا کہ وہ اگر انہیں شادی کا کہیں گی تو وہ پیچھے ہٹ جائیں گے کیونکہ اس وقت ذمہ داری نہیں اُٹھا پائیں گے۔
تاہم اداکارہ نے بتایا کہ عجیب محسوس ہونے پر جب انہوں نے سختی سے قیصر خان کو پیچھا کرنے سے منع کیا اور کہا کہ اگر ایسا ہی ہے تو شادی کرلیں تو وہ فوری ہی راضی ہوگئے۔
فضیلہ قاضی نے بتایا کہ قیصر کے گھر والے شادی کیلئے راضی نہیں تھے کیونکہ اس وقت وہ کچھ کماتے نہیں تھے اور اداکاری میں قدم جمانے کی کوشش کر رہے تھے تاہم بعد میں سب مان گئے اور ان کی شادی ہوگئی۔