معروف پاکستانی اداکار احسن خان نے حال ہی میں ایک پرواز کے دوران پاکستان کی خاتون اوّل صدر آصف علی زرداری کی صاحبزادی آصفہ بھٹو زرداری سے ملاقات کی ہے جس پر انہوں نے خوشی کا اظہار کیا ہے۔
سوشل میڈیا پر آصفہ بھٹو کیساتھ تصویر شیئر کرتے ہوئے کیپشن میں احسن نے آصفہ بھٹو کو ایک ایسی شخصیت قرار دیا جو بیک وقت ہمدردی اور قوت کی علامت ہیں۔
انہوں نے کہا کہ آصفہ کی ذہانت اور عوامی خدمت کے لیے ان کی وابستگی واضح طور پر جھلکتی ہے۔احسن خان نے یہ بھی بتایا کہ آصفہ بھٹو نے ان کا کام دیکھا ہے اور اس پر مثبت رائے دی ہے، جس پر وہ ان کے مشکور ہیں۔
سوشل میڈیا پر احسن خان اور آصفہ بھٹو کی یہ تصویر وائرل ہو رہی ہے جس پر صارفین کی جانب سے دلچسپ تبصرے کیے جارہے ہیں۔ صارفین کا کہنا ہے کہ آصفہ بھٹو اپنی والدہ بینظیر بھٹو کی پُرکشش جھلک ہیں۔