افغانستان کو پہلی بار ٹی20 ورلڈکپ کے سیمی فائنل میں پہنچانے میں اہم کردار ادا کرنے والے کپتان راشد خان مختصر فارمیٹ میں تیز ترین 150 وکٹیں لینے والے بالر بن گئے۔
افغان کپتان راشد خان نے 92 میچز میں 150 ٹی20 انٹرنیشنل وکٹیں مکمل کیں، انہوں نے بنگلادیش کے خلاف اہم مقابلے میں 4 اوورز میں 23 رنز دیکر 4 کھلاڑیوں کا شکار کیا۔
لیگ اسپنر کے ہاتھوں آؤٹ ہونے والے کھلاڑیوں میں سومیا سرکار، توحید ہردوئے، محمود اللہ، رشاد حسین شامل تھے۔
اس سے قبل نیوزی لینڈ کے ٹم ساؤتھی نے 118 میچز میں 150 وکٹیں مکمل کی تھیں۔
واضح رہے کہ ٹی20 انٹرنیشنلز کی تاریخ میں اب تک صرف 2 پلیئرز نے 150 وکٹیں لی ہیں، 129 میچز کھیلنے والے شکیب الحسن کو یہ سنگ میل عبور کرنے کیلئے ایک وکٹ درکار ہے۔