کراچی:گھریلو جھگڑے کے دوران شوہر نے تیز دھارآلہ کے وار کرکے بیوی کو قتل کردیا۔
زرائع کے مطابق سرجانی ٹاؤن تھانے کے علاقے حسن بروہی گوٹھ میں گھر سے خاتون کی لاش ملی جسے تیزدھار آلہ کے وارکرکے قتل کیا گیا۔
اطلاع ملنے پر پولیس موقع پر پہنچ گئی اور مقتولہ خاتون کی لاش قانونی کارروائی کیلئے عباسی شہید اسپتال منتقل کردی، مقتولہ خاتون کی شناخت اقرا دخترعاشق علی کے نام سے کی گئی۔
پولیس نے مقتولہ کے شوہر فیضان علی ولد عبدالعزیز کو گرفتار کرلیا، ایس ایس پی ویسٹ طارق مستوئی کے مطابق گرفتار ملزم سے آلہ قتل (تیز دھار چھری) بھی برآمد کرلی گئی ہے۔