تمام امریکی بالغ افراد 19 اپریل تک نوول کرونا وائرس ویکسین کے اہل ہوں گے، بائیڈن

واشنگٹن (جرات نیوز)امریکی صدر جو بائیڈن نیاعلان کیا ہے کہ تمام امریکی بالغ افراد 19 اپریل تک نوول کرونا وائرس ویکسین کے اہل ہوں گے۔بائیڈن نے اس نئے نظام الاوقات کا اعلان ورجینیا کے الیگزینڈریا میں واقع ایک ویکسی نیشن مرکز کے دورے کے بعد کیا تھا اور اس موقع پر انہوں نے یکم مئی کی اصل آخری تاریخ تقریبادو ہفتوں تک بڑھا دی تھی۔بائیڈن نے کہا کہ ان کے منصب سنبھالنے کے پہلے 75 دن کے اندرنوول کرونا وائرس ویکسین کی 15 کروڑ خوراکیں دی گئیں، جو کہ ان کے منصب سنبھالنے کے 100 ویں دن تک 20 کروڑ کے بیان کردہ ہدف کے عین مطابق ہے۔انہوں نے امریکی شہریوں پر زور دیا کہ وہ وبائی معاملات سے متعلق حفاظتی اقدامات پرعمل جاری رکھیں، ان کا کہنا تھا کہ ملک ابھی تک وبائی مرض کی اختتامی لائن کے قریب نہیں پہنچا اور 4 جولائی سے قبل مزید اس مرض اور پریشانی کا سامنا کرسکتا ہے۔کچھ ہفتوں قبل بائیڈن نے ریاستوں، قبائل اور علاقوں پر زور دیا تھا کہ وہ یکم مئی سے قبل تمام امریکی بالغ افراد کو ویکسی نیشن کے عمل کے لئے اہل بنائیں۔

اپنا تبصرہ بھیجیں