امیتابھ بچن نے سوتے ہوئے کی تصویر شیئر کردی

ممبئی(جرات نیوز) بالی وڈ کے سپر اسٹار امیتابھ بچن نے سماجی رابطے کی ویب سائٹ پہ سوتے ہوئے ایک تصویر شیئر کی تو سماجی رابطے کی ویب سائٹس پر ایک نئی بحث چھڑ گئی۔تفصیلات کے مطابق گزشتہ روز امیتابھ بچن نے سوتے ہوئے کی تصویر شیئر کردی،تصویر میں تکیہ اور دوائیں بھی رکھی ہوئی دکھائی دے رہی ہیں۔امیتابھ بچن کی اس تصویر کو دیکھ کر بہت سے مداحوں نے اظہار مسرت کیا اور انہیں ایک بہترین نیند کے حوالے سے دعا بھی دی لیکن کئی افراد کی جانب سے کیے جانے والے سوالات نے ایک نئی بحث کو جنم دے دیا۔ایک صارف نے استفسار کیا کہ وہ یہ سمجھنے سے قاصر ہے کہ امیتابھ بچن نے اپنی یہ تصویر کب اور کیسے شیئر کی؟ انہوں نے معلوم کیا کہ کیا وہ خود اٹھے اور اپنی تصویر شیئر کرنے کے بعد دوبارہ جا کر سو گئے؟انہوں نے پوچھا کہ یا پھرامیتابھ بچن کی لاعلمی میں کسی دوسرے نے یہ تصویر ان کے اکانٹ پہ شیئر کردی؟ اور یا یہ کہ وہ صرف سونے کی اداکاری کررہے تھے اور تصویر بنوا کر انہوں نے اسے سماجی رابطے کی ویب سائٹ پر شیئر کی؟دلچسپ بات ہے کہ اداکار امیتابھ بچن گزشتہ روز سے ویسے ہی خبروں کی شہ سرخیوں میں جگہ پائے ہوئے ہیں کیونکہ اداکارہ اور پروڈیوسر دیپکا پاڈوکون نے اعلان کیا ہے کہ ان کی آنے والی فلم میں وہ اور امیتابھی بچن ایک مرتبہ پھر اکھٹے ہونے جا رہے ہیں۔اداکار امیتابھی بچن اور دیپکا پاڈوکون نے اس سے قبل ایک ساتھ فلم پیکو میں کام کیا تھا جو بہترین فلم ثابت ہوئی تھی۔ اس فلم میں مرحوم اداکار عرفان خان بھی ان کے ساتھ تھے۔اداکارہ دیپکا پاڈوکون کی جانب سے کیے جانے والے اعلان کے مطابق امیتابھ بچن ان کے ساتھ فلم دی انٹرن میں دکھائی دیں گے۔امیتابھ بچن کے مداحوں کی درمیان اس حوالے سے فی الحال سوشل میڈیا پر ایک بحث چھڑی ہوئی ہے اور لوگ مختلف آراء کا اظہار کر رہے ہیں۔

اپنا تبصرہ بھیجیں