43

وزیراعظم کا ترک صدر سے رابطہ، کورونا سے اموات پر اظہار افسوس

اسلام‌آباد: وزیراعظم عمران خان نے ترک صدر طیب اردوان کو ٹیلیفون کر کے کورونا وائرس سے ہونے والی اموات پر گہرے دکھ اور افسوس کا اظہار کیا ہے۔

تفصیلات کے مطابق وزیراعظم عمران خان نے ترک صدر رجب طیب اردوان سے ٹیلیفونک رابطہ کیا اور مہلک وبا سے ہونے والے قیمتی جانے نقصان پر گہرے دکھ اور افسوس کا اظہار کیا۔

دونوں رہنماؤں کا کورونا وائرس سے نمٹنےکیلئےمل کر کام کرنے کے عزم کا اعادہ کرتے ہوئے ایک دوسرے سے تجربات کا تبادلہ کرنے پر اتفاق کیا۔

وزیراعظم نے کورونا سے نمٹنےکیلئے ترکی کی کاوشوں کی بھرپور حمایت کے عزم کا اظہار کیا جب کہ وزیراعظم نے ترکی میں پھنسے پاکستانیوں کی وطن واپسی کیلئےمدد پر ترک صدر کا شکریہ اداکیا۔

واضح رہے کہ ترکی میں کورونا وائرس کے مریضوں میں اچانک اضافہ ہوا ہے اور تعداد 34 ہزار سے تجاوز کر گئی ہے، مہلک وبا سے موت کے منہ میں جانے والوں کی تعداد 752 ہوگئی ہے۔

حکام نے ایک دن میں قریباً 4 ہزار کورونا وائرس کے نئے کیسز کی تصدیق کرتے ہوئے کہا ہے کہ وبا سے متاثرہ افراد کی تعداد میں مسلسل اضافہ ہو رہا ہے۔

اس خبر پر اپنی رائے کا اظہار کریں

اپنا تبصرہ بھیجیں