کیلیفورنیا: ایک امریکی خاتون نے اپنے بائسپ سے نکلنے والے بالوں کے ایک اسٹرینڈ کی وجہ سے گنیز ورلڈ ریکارڈ کا اعزاز حاصل کرلیا ہے۔
امریکی میڈیا کے مطابق کیلیفورنیا سے تعلق رکھنے والی میسی ڈیوس نے اپنے 7.24 انچ لمبے بال کی وجہ سے گنیز ورلڈ ریکارڈ کا اعزاز حاصل کرلیا ہے۔
میسی ڈیوس نے ادارے کو بتایا کہ جب وہ 2012 میں ہائی اسکول میں جونیئر طالبہ تھیں، تب انہیں اپنے بازو پر ایک غیر معمولی لمبے بال کا پتہ چلا۔ انہوں نے بتایا کہ میں اپنی ایک دوست کے ساتھ ڈزنی لینڈ میں تھی جب اس کے بھائی نے میرے بازو پر ایک بال کی طرف اشارہ کیا۔
وہ مجھ سے کہہ رہا تھا کہ میرے بازو پر بال بہت لمبا ہے اور اس نے اسے کھینچ کر نکالنے کا خیال اظہار کیا لیکن میں نے اسے منع کردیا اور فیصلہ کیا کہ میں ممکنہ عالمی ریکارڈ کے لیے اس بال کو اگنے دوں گی۔
میسی ڈیوس نے مزید کہا کہ کئی بار ایسا ہوا کہ بال ٹوٹ جاتا تھا یا حادثاتی طور پر اکھڑ جاتا تھا تاہم پھر وہ دوبارہ بڑھ جاتا تھا۔