لاہور؛ اینٹی نارکوٹکس فورس نےعلامہ اقبال انٹرنیشنل ایئرپورٹ لاہور پر منشیات اسمگلنگ کی کوشش ناکام بنا دی۔تفصیلات کے مطابق
اینٹی نارکوٹکس فورس نے نائجیرین مسافر کو پکڑ لیا۔
نائجیرین شہری کے پیٹ سے 38 کوکین کیپسول برآمد ہوئے۔ کیپسولز سے 646 گرام کوکین برآمد ہوئی۔
لاہور آمد پر مشتبہ مسافر کو حراست میں لیکر ہسپتال منتقل کیا گیا۔
ترجمان اے این ایف کے مطابق ملزم بذریعہ غیرملکی پرواز، بحرین سے “بزنس ویزہ” پر لاہور پہنچا تھا۔
ملزم کیخلاف انسداد منشیات ایکٹ کے تحت مقدمہ درج کر کے مزید تحقیقات کا آغاز کر دیا گیا ہے۔
بیرون ممالک سے منشیات اسمگلنگ کے بڑھتے کیسز معاشرے کیلئے خطرناک ہے۔
غیرملکی باشندوں بالخصوص نائجیرین اور افغان شہریوں کی منشیات اسمگلنگ کیسز میں گرفتاری تشویشناک ہے۔
اے این ایف وزارت خارجہ کے ذریعے متعلقہ ممالک کے ساتھ منشیات اسمگلنگ کے انسداد کیلئے اقدامات اٹھا رہی ہے۔
